Pinangunahan ni TESDA Director General Jose Francisco “Kiko” Benitez ang Parangal sa mga TAGSANAY na idinaos noong ika-walo ng Oktubre 2024. Ito ay ginanap sa National TVET Trainers Academy na may temang “Pagpugay sa Isang Dekadang Selebrasyon para sa mgaTagapagsanay na may Lingap at Maasahang Tagumpay.”
Si Romeo G. Mongalini mula sa TESDA Cordillera State Institute of Technical Education (CSITE) ang kinatawan ng Kordilyera sa prestihiyosong parangal na ito na kumikilala sa mga tagapagsanay ng Technical Vocational Education and Training (TVET). Siya ay kabilang sa mga finalist sa naturang parangal at nakamit rin niya ang gantimpalang “Best in Data Gathering, Analysis, and Synthesis.”
Kabilang sa mga dumalo sina TESDA-CSITE Executive Director Daisy Bungallon at Noriel Ramos na dating kampeon sa kaparehong parangal noong 2022.